Home » Lucu » GORO-GORO SEGO GORENG
GORO-GORO SEGO GORENG

GORO-GORO SEGO GORENG

Paijo cah jogja arep menyang Suroboyo diterke simbokne nyegat bis.

Kernet Bis: “Yo sik Suroboyo..Suroboyo..ndang numpak”

Mboke Paijo : “ Pak, tulung nggih nitip anak kulo mangke nek sampun tekan Jombang lare niki dikandani nggih?”

Kernet: “nggeh bu beres, yo tariiiikkkkkkk”

Nang terminal Solo Paijo tekok kernet bis, “Wes cedhak Jombang Lik?”

Kernet: “Durung lee…jek adoh”

Ora let sue tekan ning Sragen Paijo tekok maneh, “Wis tekan Jombang durung je Lik?”

Kernet: “Walah, yo durung lee..jek uuuaaaadoooohh pisan”

Saking kesel le ngenteni akhire Paijo keturon. Bis e terus ae mlaku ning arah Suroboyo. Ora kroso wis nglewati Jombang. Lha Kernet e lali pesenane mboke Paijo mau.

Bareng Kelingan, Kernet e njuk langsung ngomong mbe sopire, “waduuhh kang, aku duso mbe bocak kui” karo nuding Paijo sik gek turu angler mbe ngeloni tas e.

Sopir: “lha nopo je?”

Kernet: “mau ki mboke nitip je, nek wis tekan Jombang bocahe tulung kon ngandani”

“ealah, lha piye to kowe ki?? Jombang wes kliwat adoh iki” jare Supire karo mbingungi.

Bejone ki supire apikan tenan, gelem mbalik nang Jombang. Sak wise njaluk persetujuan sik karo penumpang liyane, mergo mesakke mbe Paijo.

Sak wise tekan Jombang Paijo njuk digugah.

Kernet: “Lee..tangi lee..ki wes tekan Jombang..gek ndang tangi” karo nggoyang goyangke awake Paijo.

Paijo kaget njuk njenggirat, “Eh wes tekan Jombang to Lik?”

Karo grusa grusu mbukak kresek, ngetokke sangune sik di gawake simboke mau. Ono sego sambel mbe lawuhe iwak asin.

Kernet njuk tekon, “Arep mudhun ning kene lee..??”

“Ora og Lik..wong aku ki arep nang Suroboyo, mau ki simbokku pesen, sangune jok lali dipangan nek wes tekan Jombang wae yo lee” jawabe Paijo karo muluk sego.

Kernet, sopir lan kabeh penumpange muni bareng: “Wooo….WEDHUUUUSSSSS tenan bocah iki….tiwase mbaliiiiikkk!!!!!”

Paijo muk pringisan karo tetep ngentekno segone…

Wkwkwkwkwkwkwkwkkwkwk…..

x

Check Also

Dijual Rp. 40 Juta, Cermin Mahal Ini Bisa Diajak ‘Tersenyum’

Unikdanlucu.com – Siapa sangka sebuah cermin yang berharga mahal ini bisa diajak tersenyum karena memiliki ...